میلیشیا شیعەكان دەیان زیندانیی سوننە دەكوژن
نووچەنێت-ئاژاسەكان
ئەو میلیشیا شیعانەی لەسەر داوای حكومەت و پیاوە ئاینییە شیعەكان چەكیان لەدژی داعش هەڵگرووە، ئەمڕۆ لانیكەم 60 زیندانیی سوننە مەزهەبیان لە بەغدا كوشت.
بەپێی ئاژانسەكانی هەواڵ و لەناویاندا سكای نیوز، ئەمڕۆ پێنجشەممە كاتێك بەرپرسانی حكومی بڕیاری گواستنەوەی چەند زیندانییەكی سوننەیان دابوو لە ناوچەی تاجی باكووری بەغداوە بۆ زیندانییەكی دیكە، میلیشیا شیعەكان سەرەتا بۆمبێكیان بە كاروانەكەدا تەقاندەوە و دواتر دەستڕێژی گوللەیان لە زیندانییەكان كرد و لاینیكەم 60 كەسیان لێ كوشتن.
ئەمە یەكەمجار نییە زیندانییانی سوننی بەمشێوەیە دەكوژرێن و لەماوەی پێشوودا كردەوەی خهاوشێوە بەرامبەر زیندانی بابلیش ئەنجامدرا، ئەمە جگە لە گوولەبرانكردن لە دەرەوەی فەرمانی دادگا بەرامبەر زیندانییانی تەلەعفەر و بەعقوبە
