نوچە-ئاژانسەکان
جێگری سەرۆککۆماری تورکیا، بەرامبەر بە هەڕەشەی سزادانی ئەم وڵاتە لە لایەن یەکێتی ئەوروپاوە هەڵوێستی وەرگرت.
فواد ئۆکتای، جێگری سەرۆککۆماری تورکیا، وەڵامی لێدوانی هەڕەشەئامێزی بەرپرسی سیاسەتەکانی دەرەوەی یەکێتی ئەوروپا دەداتەوە و دەشڵێت: یەکێتی ئەوروپا ناڕاستگۆیانە دەجووڵێتەوە و ئەنقەرە بە هەر شێوەیەک بووە بەرگری لە مافی خۆی لە ئاوەکانی دەریای ناوەڕاست دەکات.
ئۆکتای هەروەها گوتی، ئەگەر ناڕاستگۆیی نییە، دەبی چ ناوێکی لە سەر دابنرێت، یەکێتی ئەوروپا لە لایەک داوای دانوستان دەکات و لە لایەکی دیکەشەوە هەڕەشەی سزادانی تورکیا دەکات.
جوزێف بۆرل، بەرپرسی سیاسەتەکانی دەرەوەی یەکێتی ئەوروپا ڕایگەیاندووە، ئەگەر تورکیا لە پەیوەندی لەگەڵ ململانێکانی دەریای ناوەڕاست مل بە رێککەوتن و دیالۆگ نەدات، لە لایەن ئەم یەکێتییەوە سزا دەدرێت.
