نوچەنێت
سەرۆکی ئەمریکا رایگەیاند، تەندروستی ئەمرتکا گەیشتۆتە ئەو ئەنجامەی کە پلازمای خوێن بۆ توشبووانی پەتای کۆرۆنا بەکار دەهێنن.
درەنگانی شەوی رابردوو ٢٣/٢٤-٨-٢٠٢٠، دۆناڵد ترامپ، سەرۆکی ئەمەریکا لە کۆنگرەیەکی رۆژنامەوانیدا رایگەیاند: دەستەی خۆراک و دەرمانی ئەمریکی، بڕیاریدا پلازمای خوێنی ئەوانەی پەتای کۆرۆنایان گرتووە و چاکبوونەتەوە، بۆ توشبووانی کۆرۆنا بەکاربهێنێت.
دەزگای دەرمان و خۆراکی ئەمریکی، توێژینەوەیەکی فراوانی لەسەر بەکارهێنانی پلازمای خوێنی ئەو کەسانەی کۆرۆنایان بە سەلامەتی تێپەڕاندووە ، ئەنجامدا. بەپێی توێژینەوەکە پلازما ٪٣٥رێژەی مردن کەم دەکاتەوەو وەکو چارەسەرێکی کاریگەر بۆ کۆرۆنا ناسێنرا. دۆناڵد ترەمپ سەرۆکی ئەمریکا ئەمەی وەکو”هەواڵێکی خۆش” لە کۆنگرەیەکی رۆژنامەوانیدا راگەیاند.
دۆناڵد ترەمپ دەڵێت: ئەمریکا کار بۆ نەهێشتنی هەموو ئەو تەگەرانە دەکات، کە دەبنە هۆی دواکەوتنی گەیشتن بە دۆزینەوەی پێکوتەی دژەکۆرۆنا. هەروەها ئەوەشی راگەیاند، کە بڕی ٢٧٠ملیۆن دۆلاریان بە خاچی سوری ئەمریکی و بانکەکانی خوێن داوە. هەروەها بڕی ٣٦٠هەزار بوتڵ خوێنیان لەو کەسانە کۆکردۆتەوە کە کۆرۆنایان تێپەڕاندووە.
