نوچە-الجزیرە
وەک یەکێک لە ناخۆشترین تراژێدییەکانی ساڵ، ژمارەیەک پەنابەر لە ئاوەکانی مەدیتەرانە خنکان.
نەتەوەیەکگرتووەکان لەم بارەوە ڕایگەیاند: بەلەمێکی پەنابەران لە کەنارەکانی لیبیا لە دەریای مەدیتەرانە تێکشکاوە و ٤٥ پەنابەر خنکاون، کە پێنجیان منداڵ بوون.
لە سەرەتای ٢٠٢٠-وە ئەمە ناخۆشترین ڕووداوە، سەبارەت بە پەنابەران، هەژمار دەکرێت.
ئاژانسی جیهانی کۆچبەران ڕوونکردنەوەی زیاتر لە بارەی نوقم بوونی ئەم بەلەمە دەدات و دەڵێت، ٣٧ پەنابەریش لە مەترسی خنکان ڕزگاریان بووە.
مەدیتەرانە رێڕەوی ئاوی زۆربەی پەنابەر و ئەو کۆچبەرانەیە، کە لە رۆژهەڵاتی ناوەڕاست و باکوری ئەفریقاوە ڕوودەکەنە کەنارەکانی ئەوروپا و یۆنان و ئیتالیا.
ساڵانە سەدان پەنابەر لەم ئاوانە دەخنکێن.
