نوچەنێت
وەزارەتی دارایی و ئابوریی حكوومەتی هەرێمی كوردستان، دابەشکردنی موچەی مانگی حەوتی ژمارەیەك وەزارەت و دامەزراوەی راگەیاند.
ئەمڕۆ بەبۆنەی سەری ساڵێ کۆچی. لە سەرجەم دامودەزگاکانی حکومەتی هەرێمی کوردستان پشوە، بەڵام دابەشکردنی موچە ئەمڕۆ رۆژانی هەینی و شەممە بەردەوام دەبێ.
بە گوێرەی خشتەی راگەیێندراوی وەزارەتی دارایی، ئەمڕۆ موچەی مانگی حەوتی هەریەك لە وەزارەتی كاروباری شەهیدان و ئەنفالكراوان ، كەسوكاری شەهیدان و ئەنفالكراوان و زیندانییانی سیاسی، موچەی ئەنجومەنی ئاسایش و دەزگای گشتی ئاسایش، لەگەڵ موچەی مانگی حەوتی وەزارەتی پەروەردە دابەش دەكرێت.
ههر لهمبارهیهوه بەڵێن ئەحمەد، بەڕێوەبەری بانکی سەیدسادق بە (باسنیوز)ی ڕاگەیاند: “لەگەڵ ئەوەی ئەمڕۆ پشووە، بەڵام مووچەی وەزارەتی پەروەردە و کەسوکاری شەهیدان لە بانکەکەمان دابهش دهكرێ و کارمەندەکانمان لە ئەرک دەبن، بەپێی ڕێنوێنییه تهندروستییهكان بۆ خۆپارێزی لە کۆرۆنا مووچە دابەش دەکرێ”.
بەڕێوەبەری بانکی سەیدسادق جەختی لهوهش کردەوە، ڕۆژانی هەینی و شەممەش بۆ دابەشکردنی مووچە دهوام دهكهن.
