تاریق هاشمی: عەرەب و مسوڵمانینە، پشتیوانی هەرێمی كوردستان بن
نووچەنێت
تاریق هاشمی جێگری پێشووی سەرۆك كۆماری عێراق داوا دەكات لەبەرامبەر هیستیریای مالیكی دا، پشتیوانیی لە هەرێمی كوردستان بكرێت.
هاشمی ئەمڕۆ لە پۆستێكدا لە لاپەڕەی فەرمیی خۆی لە فەیسبووك دەڵێت:
“تیرۆریستی نێودەوڵەتی نووری مالیكی فشار دەخاتە سەر هەرێمی كوردستان، بەهۆی ئەوەی ئەو هەرێمە دەرگای واڵا كردووە بۆ ئەو كۆچبەرە عەرەبە سوننیانەی لەدەست دوژمنایەتی سوپای مالیكی و دەزگا سەركوتگەرەكانی هەڵاتوون….كەواتە ئەی عەرەبینە، ئەی مسوڵمانینە، ئەی بەشەرەفانی سەرجەم جیهان، هاوشانی هەرێمی كوردستان بوەستن لە رووبەڕووبوونەوەیدا لەگەڵ هیستیریای مالیكی لەدژی هەرێم”.
