فازل میرانی: مالیکی ئاگادارکردنەوەکانی بارزانی پشتگوێ خستن
نوچە.نیت.روداو
فازل میرانی رایدەگەیێنێ نووری مالیکی ئاگادارکردنەوەکانی بارزانی پشتگوێ خستن و بە پێویستی دەزانێت رێڕەوی پرۆسەی سیاسی دروستبكرێت.
فازل میرانی، سكرتێری مەکتەبی سیاسیی پارتی دیموکراتی کوردستان رایدەگەیێنێ، بارودۆخی سیاسی و ئەو قەیرانە ئەمنییەی عێراق دووچاری بووە لە ئەنجامی پێگیری نەكردنە بە دەستوور و حكومكردنی تاكڕەویانە و بێ بەشداریكردنی لایەنەكانی دیکەیە.
میرانی ئاماژەی بەوەدەكات، سەرەڕای ئەوەی كە چەندینجار سەرۆکی هەرێمی کوردستان نووری مالیکی، سەرۆكوەزیرانی عێراق و بەغدای ئاگادارکردەوە لە مەترسیی ئەم كارە، بەڵام پشتگوێ خراوە و ئێستا پێویستە رێڕەوی پرۆسەی سیاسی دروسبكرێت و باشترین شێواز و تاكە رێگاش، رێگای سیاسییە بە بەشداری هەموو لایەنێك.
سكرتێری مەکتەبی سیاسیی پارتی دووپاتیدەكاتەوە كە گەلی كورد چەندین ساڵە لە پێناو ئازادی و چەسپاندنی سیستمێكی دیموكراسیدا لە عێراق دەكۆشێ كە هەموو پێكهاتەكان تێیدا بەشداربن و هیچ پێكهاتەیەك پەراوێزنەخرێت .
فازل میرانی ئەو قسەنای لەمیانەی ئەو دیدارەدا کردن کە ئەمڕۆ دووشەممە لەگەڵ میهاتیا ئێنی، کۆنسوڵی گشتیی رۆمانیا لە هەولێر ئەنجامیدا.
