نوچەنێت-ئاژانسەکان
ئیمانۆئێل ماکرۆن، سەرۆکی فەرەنسا، ئەمڕۆ پێنجشەممە ٦ی جون، لە گەڵ هاوتا ئەمریکیەکەی، سەبارەت بە چەند پرسێکی هەستیار و یەک لەوان هەڕەشە و مەترسیەکانی ئێران کۆدەبێتەوە.
ئەم کۆبوونەوەی نێوان ماکرۆن و دۆناڵد ترەمپ، بڕیارە لە شاری کان، هەڵکەوتوو لە باکوری فەرەنسا بەڕێوەبچێت و بە گوێرەی ئاژانسەکانی هەواڵ، ئێران و سیاسەتی ناوچەیی ئەم وڵاتە لە تەوەرە سەرەکیەکانی ئەم دیدارەن.
کۆشكی ئەلیزە لە بەیانێکدا لە بارەی سیاسەتی بەرەنگاربوونەوەی ترەمپ بەرامبەر بە ئێران، هۆشداری داوە و دەشڵێت “بەردەوام بوونی گوشارەکانی واشنتۆن بۆ سەر ئێران، ئەگەری شەڕی بەدواوەیە”.
ترەمپ پێشتر بە ماکرۆنی گوتووە، کە دەبێ گوشارەکانی سەر ئێران توندتر بکەنەوە.
