نوچەنێت: تایبەت
نێچیرڤان بارزانی، تەنیا کاندیدە بۆ سەرۆکایەتی ھەرێمی کوردستان. ئەزمونێکی باشی لە پەیوەندی نێوان لایەنە سیاسییەکان ھەیە. ئایا چوارساڵی سەرۆکایەتی ئەو لەم پۆستە چۆن دەبێت؟ ئایا وەک ئەوەی دۆخی کوردستان پێویستی پێیەتی ئەزمونی رابردووی وا دەکات گەشبین بن پێی؟ ئەزمونی حکومەتداری و دیپلۆماسیەتی ئەو تاچەند یارمەتیدەری سەرکەوتنی دەبێ؟
نەرمین عوسمان، ئەندامی سەرکردایەتی یەکێتی نیشتیمانی کوردستان، لەدیمانەیەکی نوچەنێت سەبارەت بە کاندیدکردنی نێچیرڤان بارزانی بۆ پۆستی سەرۆکی هەرێم، رایوایە کە ئەزمونی ئەو کاریگەری دەبێت”ر ەنگە ئەزموونی كاك نێچێر، تا رادەیەك سوودی هەبێ بۆ پەیوەندی نیوان حزبە كوردستانیەكانی باشووری كوردستان و بتوانێ بەڵانسێك راگرێ لە نیوانیاندا، چونكە چەند جارێك بەشێك بوە لە گفتوگۆی نیوان پارتی دیمكراتی كوردستان و لایەنەكانیتر”.
هاوکات پێیوایە کە دەبوایە هەرکەسێ بووبە سەرۆکی هەرێم واز لە پۆستە حزبییەکەی بهێنێت” بيرمان نه چێ كاك نێچیر بەهۆی ئەوەی ئەندامی مەكتەبی سیاسی پارتی دیموكراتی كوردستانە،ناتوانی بێ لایەنی خۆی بە تەواوی جێبەجێ بكات. بۆیەشە دەبوایە لە دەستوری عیراقی و یاسای سەرۆكایەتی هەرێم ئەومەرجە هەبوایە كە هەركاتێ كەسێك ئەو پۆستە باڵایانەی وەردەگرێ، مەرج بوایە واز لە پۆستە حیزبیەكانیان بهێنن بۆ ئەوەی بتوانن كەمتر حزبیانە بیربكەنەوە بەرژەوەندی نەتەوەییان زاڵتربێ”.
