نوچەنێت: تایبەت
نێچیرڤان بارزانی، تەنیا کاندیدە بۆ سەرۆکایەتی ھەرێمی کوردستان. ئەزمونێکی باشی لە پەیوەندی نێوان لایەنە سیاسییەکان ھەیە. ئایا چوارساڵی سەرۆکایەتی ئەو لەم پۆستە چۆن دەبێت؟ ئایا وەک ئەوەی دۆخی کوردستان پێویستی پێیەتی ئەزمونی رابردووی وا دەکات گەشبین بن پێی؟ ئەزمونی حکومەتداری و دیپلۆماسیەتی ئەو تاچەند یارمەتیدەری سەرکەوتنی دەبێ؟
هونەرمەندی بەناوبانگ پەیوەند جاف، نێچیرڤان بارزانی بە گونجاوترین کەس بۆ پۆستی سەرۆکی هەرێم دەزانێت”بەرای من کەس لە کاک نێچیرڤان گونجاوترنییە بۆ پۆستی سەرۆکی هەرێم، چونکە ئەزمونێکی سیاسی زۆرباشی هەیەو پەیوەندییەکی زۆرباشی لەگەڵ لایەنە سیاسییەکان هەیە. زۆر دڵسۆزانە ئیشدەکات بەبێ فەرق و جیاوازی، پێموایە، ئەو وردە کێشانەی هەمانە هەمووی چاک دەکات ئەگەر نا هەوڵی زۆری بۆ دەدات. بێ گومان هەندێجار سیاسەتی ناوچەکە بڕیار دەدات. لەسەر هەندێ شت کە بەدەست حکومەتی هەرێمیش نییە”.
