نوچەنێت
ئەمڕۆ پێنجشەممە، 15-6-2017 لە هەرێمی کوردستان، تاقیکردنەوەکانی پۆلی 12ی ئامادەیی ساڵی 2016 – 2017 دەستیان پێکرد، وەزیری پەروەردەش دڵنیایی دایە قوتابیان لەوەی یەکسانی هەیە.
پشتیوان سادق، وەزیری پەروەردە لە قوتابخانەی ئامادەیی شەهید کۆچەرەوە قسەی بۆ رۆژنامەڤانان کرد و رایگەیاند ” 255 هەزار قوتابیی پۆلی نۆی بنەڕەتی و 12ـی ئامادەیی لە هەرێمی کوردستان تاقیکردنەوە دەکەن و، زۆربەی پێداویستییەکانیان دابینکراوە”.
وەزیری پەروەردە دەڵێ “ئەوەی گرنگە ئەوەیە دەبێت قوتابیان و خوێندکاران ئارام بن، گوێ نەدەنە قسە و قسەڵۆکەکان، چونکە لە یەکەم تاوەکو سەتەمەکان هەموو ساڵێک ئەو قوتابیانە بوون کە لە خانەوادەی هەژارن”.
هەروەها پشتیوان سادق گوتی “ئەوەی پڕوپاگەندەی نێگەتیڤ بکات و ناسەقامگیری لە دڵ و دەروونی قوتابیان دروست بکات، رێکاری یاسایی لەدژی دەگرینەبەر. هەموو قوتابی و کەسوکارەکانیان دڵنیادەکەمەوە کە پرۆسەی ئەزموونەکان لە هەرێمی کوردستان 100% رێکوپێکە و یەکسانی تێدایە”.
