نوچەنێت-دێبکا فایل
پێگەت دێبکا فایلی ئیسرائیل کۆبوونەوەیەکی ئەفسەرانی ئەمنی ئەمریکا، روسیا و ئۆردن، دەربارەی پێکهێنانی ناوچەی ئارام لە سوریا ئاشکرا دەکات.
دێبکا فایل لە هەواڵێدا و بە پشتبەستن بە سەرچاوە سەربازیەکانی خۆی رایگەیاندووە، کە ئەفسەرانی سەر بە ئەرکانی ناوەندی فەرماندەیی ئەمریکا و روسیا، کە لە ئێستادا لە سوریا جێگیرن، لە دانیشتنێکی نهێنی لە عەمانی پایتەختی ئۆردن کۆبوونەتەوە و پرسی دانانی ناوچەی ئارامیان بە درێژایی سنوورەکانی باشوری سوریا لە گەڵ ئیسرائیل، ئۆردن و عێراق تاوتوێ کردووە.
بە گوتەی سەرچاوەەکانی پێگەی دێبکا فایل، وێڕای ئەفسەرانی ئەمریکی و روسی جێگیر لە سوریا، ژمارەیەک لە ئەفسەرانی ئۆردنیش بەشداری ئەم کۆبوونەوە داخراو و نهێنییە بوونە.
ئەم کۆبوونەوە دوای گفتوگۆکانی نیوان دۆناڵد ترەمپ، سەرۆکی ئەمریکا، ڤلادمیر پوتین، سەرۆکی روسیا و مەلەک عەبدوڵڵای پاشای ئۆردن پێکهاتووە.
