ژیاننامەی نەوشیروان مستەفا

نوچەنێت
رۆژی هەینی 19-5-2017، گوتەبێژی بزووتنەوەی گۆڕان رایگەیاند، رێکخەری گشتی بزووتنەوەی گۆڕان لە شاری سلێمانی کۆچی دواییکرد.

شۆڕش حاجی، گوتەبێژی بزووتنەوەی گۆڕان ئاماژەی “پاش ململانێکی زۆر لەگەڵ نەخۆشی کاژێر 8:00ـی سەر لەبەیانی رۆژی هەینی 19-5-2017، نەوشیروان مستەفا، رێکخەری گشتی بزووتنەوەی گۆڕان کۆچی دواییکرد”.

شۆڕش حاجی دەڵێت “بزووتنەوەی گۆڕان لەسەر رێباز و بەرنامەی ئەو سەرکردە مەزنە بەردەوام دەبێت بۆ خزمەتکردنی کوردستان”.

ژیاننامەی نەوشیروان مستەفا ئەمین

–  رێکخەری گشتیی بزووتنەوەی گۆڕانە.

–  ساڵی 1944 لە گەڕەکی سەرشەقام (بەرخانەقا)ی شاری سلێمانی لە دایکبووە، خوێندنی سەرەتایی و ناوەندی و دواناوەندی لە سلێمانی تەواو کردووە.

–  ساڵی 1967 کۆلێژی زانستە سیاسییەکانی لە زانکۆی بەغدا تەواو کردووە.

 – لە سەرەتای حەفتاکان چووەتە نەمسا و ماستەری لە یاسای نێودەوڵەتی لە نەمسا خوێندووە.

– سەرەتای شەستەکانی سەدەی رابردوو دەستی بە کار و چالاکی سیاسی کردووە و یەکەم وێستگەی ژیانی سیاسی لە یەکێتیی قوتابیانی کوردستان بووە، ساڵانی 1963 و 1964 بووەتە ئەندامی سکرتاریەتی یەکێتی قوتابیان.

– ساڵی 1967 بووەتە ئەندامی لقی سلێمانی- پارتی دیموکراتی کوردستان باڵی مەکتەبی سیاسی.

– ساڵی 1969 خاوەن ئیمتیازی گۆڤاری رزگاری بووە.

– یەکێک بووە لە دامەزرێنەرانی یەکێتی نیشتیمانی کوردستان.

– سکرتێری کۆمەڵەی رەنجدەران بووە.

– درووستکەری باڵی ریفۆرمبوو لە یەکێتی نیشتیمانی کوردستان.

– تا ساڵی 2006 جێگری سکرتێری گشتی یەکێتی نیشتمانی کوردستان بووە.

–  لە ساڵی 2006 وازی لە کاری حزبی لە نێو یەکێتی ھێنا.

دواتر کۆمپانیای وشەی دامەزراند.

– لە ساڵی 2009  بۆ ھەڵبژاردنی پەرلەمانی کوردستان لیستی گۆڕانی دروستکرد. 

– چەندین کتێبی لە بواری سیاسیی و مێژوویی و ئەدەبی هەیە.

– لە ساڵی 1981 ژیانی هاوژینی پێکهێناوە.

–  باوکی دوو کوڕ و کچێکە بەناوەکانی نما، چیا، چرا.