سەركردایەتی ھاوبەشی یەكێتی و گۆڕان کۆدەبنەوە

نوچەنێت

ئەمڕۆ سەركردایەتی ھاوبەشی یەكێتی نیشتمانی كوردستان و بزووتنەوەی گۆڕان لەبارەگای مەكتەبی سیاسی  یەكێتی لەسلێمانی کۆببنەوە و گوتەبێژی بزووتنەوەی گۆڕانیش دەڵێت “كۆبوونەوەیەكی دەوری ئاساییەو بۆ گفتوگۆكردنە لەبارەی هەلومەرجی سیاسی ئەمڕۆی هەرێمی كوردستان‌، عێراق‌ و ناوچەكە”.

بڕیارە ئەمڕۆ  شەممە 22-4-2017، سەركردایەتی ھاوبەشی یەكێتی نیشتمانی كوردستان و بزووتنەوەی گۆڕان لەبارەگای مەكتەبی سیاسی  یەكێتی لەسلێمانی کۆببنەوە، بۆ تاوتوێكردنی پرسی ریفراندۆم و چەند پرسێكی دیكە.

شۆرش حاجی، گوتەبێژی بزووتنەوەی گۆڕان بە میدیای فەرمی حزبەکەی راگەیاند، سەكردایەتی هاوبەشی یەكێتی‌ و گۆڕان دەمێكە كۆنەبووتەوە، كۆبوونەوەكە، كۆبوونەوەیەكی دەوری ئاساییەو بۆ گفتوگۆكردنە لەبارەی هەلومەرجی سیاسی ئەمڕۆی هەرێمی كوردستان‌، عێراق‌ و ناوچەكە.

گوتەبێژی بزووتنەوەی گۆڕان دەڵێت، پرسی گشتپرسی و دید‌ و بۆچونی هێز و لایەنە سیاسییەكان لەسەر ئەم پرسە و  چۆنیەتی ئاسایكردنەوەی باردوخی هەرێمی كوردستان‌ و كاراكردنەوەی پەرلەمانی كوردستان‌ و پەیوەندی نێوان هێزولایەنە سیاسییەكان گفتوگۆی لەبارەوەدەکرێت.