نوچەنێت
سەرۆكایەتی هەرێمی كوردستان لەبارەی هەڵكردنی ئاڵای كوردستان لە شاری كەركوك راگەیەندراوێكی بڵاوكردەوە و رایگەیاند “كارێكی یاسایی و ئاساییە و بابەتێكی نوێ نییە، هەروەك چۆن هەڵكردنی ئاڵای عێراقیش لە كەركوك بابەتێكی یاسایی و ئاساییە”.
لە راگەیەندراوەکەی سەرۆكایەتی هەرێمدا هاتووە “هەر لە دوای رووخانی رژێمی پێشوو لە ساڵی 2003 و بە تایبەتیش دوای هاتنی داعش، ئاڵای كوردستان لە كەركوك بوونی هەبووە و هەر ئەو ئاڵایەش كەركوكی لە هەڕەشە و پەلاماری تیرۆرستان پاراستووە”.
سەرۆکایەتی هەرێم لەراگەیەندراوەکەدا ئاماژە بەوە دەدات، کە پێویست بەوە ناكات ئەم بابەتە زۆر گەورە بكرێت و ببێتە ماددەی ململانێ و لێكترازانی نێوان پێكهاتە و لایەنەكان و هیچ لایەنێكیش نابێ بۆ مەرامی سیاسی تایبەتی خۆی بەكاری بهێنێت.
سەرۆکایەتی هەرێم دەشڵێت “هەر وەك چۆن ئاڵای كوردستان و پێشمەرگە كەركوكیان پاراست، پێویستە فەرهەنگی پێكەوەژیان و برایەتی و تەبایی نێوان پێكهاتەكانی كەركوك قووڵتر بكرێت و بپارێزرێت”.
دەقی راگەیەندراوەکە:
هەڵكردنی ئاڵای كوردستان لە شاری كەركووك كارێكی یاسایی و ئاساییە و بابەتێكی نوێ نییە، هەروەكچۆن هەڵكردنی ئاڵای عێراقیش لە كەركووك بابەتێكی یاسایی و ئاساییە.
هەر لە دوای ڕووخانی ڕژێمی پێشوو لە ساڵی 2003 و بە تایبەتیش دوای هاتنی داعش ئاڵای كوردستان لە كەركووك بوونی هەبووە و هەر ئەو ئاڵایەش كەركووكی لە هەڕەشە و پەلاماری تیرۆریستان پاراستووە.
بۆیە پێویست بەوە ناكات ئەم بابەتە زۆر گەورە بكرێت و ببێتە ماددەی ململانێ و لێكترازانی نێوان پێكهاتە و لایەنەكان و هیچ لایەنێكیش نابێ بۆ مەرامی سیاسیی تایبەتی خۆی بەكاری بهێنێت.
هەروەكچۆن ئاڵای كوردستان و پێشمەرگە كەركووكیان پاراست، پێویستە فەرهەنگی پێكەوەژیان و برایەتی و تەبایی نێوان پێكهاتەكانی كەركووك قووڵتر بكرێت و بپارێزرێت.
سەرۆكایەتیی هەرێمی كوردستان
2017-3-29
