نوچەنێت-رۆیتەرز
پێگەی ویکیلیکس، کۆمەڵێک بەڵگەنامەی نهێنی بڵاوکردۆتەوە، کە تایبەتن بە شێوازی کاروچالاکی دەزگای هەواڵگری ئەمریکا لە پەیوەندی لە گەڵ سیخوڕیکردن بە سەر پەیوەندیە تەلەفۆنیەکان و هاککرنی تەلەفۆنەکان و ئامرازەکانی دیکەی پەیوەندی.
لە بەشێک لەو هەزاران بەڵگەنامەیە، کە رۆژی رابردوو لە لایەن ویکیلیکسەوە بڵاو بۆتەوە، ئاماژە بەوە دراوە ،کە رێکخراوی سی.ئای.ئەی، دەزگای هەواڵگری ئەمریکا بە هاوبەشی و هاوکاری لە گەڵ دەزگا هەواڵگریەکانی دیکەی ئەم وڵاتە و وڵاتانی دیکەی جیهان، بە چ شێوەیەک بە هاککردنی ئەو مۆبایلانە، کە گوگڵ ئەندرۆید بە کار دێنن، توانیویانە ئەپەکانی وەک واتساپ، تەلەگرام و سیگناڵ هاک بکەن و دەستیان بە زانیاریەکان بگات.
کۆمپانیای گوگڵ، تاکوو ئیستا بەرامبەر بەم کارەی ویکیلیکس،هیچ کاردانەوەیەکی نەبووە، بەڵام رایگەیاندووە لەم بارەیەوە دەست دەکات بە لێکۆڵینەوە.
