عێراق و كوردستان لهدوای ئازادكردنی موسڵ
بههره حهمهڕهش: پرۆسهی ئازادكردنی موسڵ دهستپێكراوه، ئایا ئهو گرفتانهی دوای ئازادكردنی موسڵ بۆ كورد دێنه پێش چین و چاوهڕوانی چی دهكرێت ؟
نهمانی داعش لهموسڵ، نهمانی مهترسییه لهسهر كوردستان ؟
لهڕووی سیاسی و جوگرافی و سهربازییهوه، هیچ مهترسییهك لهدوای نهمانی داعش لهموسڵ چاوهڕوانكراوه بۆ كوردستان ؟ ئهگهر چاوهڕوانكراوه ئهو مهترسیانه چین ؟
ئایا سێبهر و مهترسی ئیسلامی توندڕهو لهسهر كوردستان نامێنێت ؟
كورد دهبێت چۆن خۆی ئامادهبكات بۆ قۆناغی دوای داعش لهموسڵ ؟
چی بكات بۆ ئهوهی ئهو مهترسیانهی ههستپێكراون كهم بكرێنهوه ؟
پهیوهندییهكانی ههولێرو بهغدا چۆن دهبن و دهبێت چۆن بن ؟
ئاریان فەرەج:
كورد دوو ساڵە شەڕی داعش دەكات، هەر لە سەرەتاوە بەشداری كورد لەو شەڕەدا تەنیا بۆ ئازادكردنی ئەو ناوچە كوردستانییانە نەبوو كە داعش پەلاماری دابوون، بەڵكو كورد لە چوارچێوەی هاوپەیمانییەكی نێودەوڵەتیدا و، بۆ تێكشكاندنی یەكجارەكی داعش وەك مەترسییەك بۆ سەر كوردستان و ناوچەكە و ئاشتیی جیهانی، بەشداری كرد.
بۆیە رۆڵی كورد لە شەڕەكەدا تەنیا بە ئازادكردنی خاكی خۆی كۆتایی نایەت و، كۆتاییهێنان بە داعش درێژەی دەبێت.
شەڕی موسڵ كۆتایی داعشە وەك خەلافەت و قەڵەمڕەو، لە دوای ئەو جەنگەوە چارەڕوان دەكرێ پێگە و سەنگ و ئیعتباری سیاسی و سەربازیی كورد، بەرەو سەر هەڵكشێ و پتەوتر بێت نەك مەترسی بكەوێتە سەر. دوای كۆتایی شەڕ كورد و هێزی پێشمەرگە لایەنێكی سەرەكی و سەرزەمینیی دەبن لەو لایەنانەی، كە بە براوەی شەڕ حسابن. هەمیشە براوەكانی شەڕ لە داڕشتنەوەی نەخشە و بڕیاری سیاسیی دوای شەڕدا قسەیان هەیە.
هەل و مەجی دوای شەڕی موسڵ هەرچۆنێك بێت، مەترسیەكەی بۆ ئەو جەمسەرگیرییە دەبێ كەبەسەر توندڕۆیی سوننی و شیعیدا دابەش بوون، كورد یان راستتر بڵێم سەرۆك بارزانی و هەموو ئەو حیزب و باڵانەی لە رەوتی سەربەخۆییخوازیدا هاو هەڵوێستی بارزانین، بە كۆی هێزی پێشمەرگەی كوردستانەوە، توانیویانە نەهێڵن كورد و دۆزەكەی ببێتە بەشێك لە ململانێی مەزهەبی لە ناوچەكەدا.
ئەگەرچی چەند باڵ و حیزبێكی لۆكاڵی وەك بزوتنەوەی گۆڕان و ماڵباتی ئیبراهیم ئەحمەد و جەماعەتی عەلی باپیر و تەشكیلاتەكانی پەكەكە، هەڵخزاونەتە ناو ئەو ململانێیە و بونەتە پاشكۆی مەشروعی فراوانخوازیی مەزهەبیی ئێرانی لە ناوچەكەدا، بەڵام بە گشتی ناوەندی بڕیاری سیاسیی كورد بە سەرۆكایەتی بارزانی كە لە جیهاندا ئیعتباری هەیە، خۆی لەو جەمسەرگیرییە پاراستوە و خۆی قەتیسی میحوەربەندیی ئیقلیمی نەكردووە و بەڵكو بەشێكی
سەنگینی هاوپەیمانییەكی جیهانییە كە بۆ دۆزی كورد تەفەهومێكی مەعقولیان هەیە كورد، روئیای خۆی هەیە بۆ موسڵی دوای داعش.
سەرۆك بارزانی، هەموو لایەكی لە مەترسی بە زۆر پێكەوەژیاندنی ئەو پێكهاتانەی موسڵ ئاگاداركردۆتەوە، كە بە هۆی سیاسەتی تائیفیی مالكی و جینایەتەكانی داعشەوە دەستیان چووە خوێنی یەكدی و، رەنگە مەحاڵ بێت دوبارە بتوانن لە یەك پارێزگادا پێكەوە درێژە بە ژیان بدەن.
هەر ئەم روئیایەش بوو قەناعەتی بە حكومەتی عەببادی كرد، قایل بێت بەوەی میلیشیای حەشدی شەعبی داخڵی ناوشاری موسڵ نەبن و، هێندەی دیكە شەڕی مەزهەبی خوێناوی تر نەبێت.
ئێران مەبەستییەتی موسڵ بە مەیلی ئەو ئازاد بكرێ و، لە داعش بسەنرێتەوە و بكەوێتە دەستی ئەو-و، بیكاتە دەروازەی تێپەڕاندنی هلالی شیعی لە ئیرانەوە بەرەو سوریا، دەیویست ئەم كارە بە تەشكیلاتی تەحتەل تەڵەبی پەكەكە و میلیشیاكانی حەشدی شەعبی ئەنجام بدات. توركیا لە جیاتی سعودیە و كۆی جیهانیی سوننە هۆشداری دا، كە ئەگەر پەكەكە و حەشد و میلیشیا ئێرانییەكان داخڵی شەڕ و ناو شار بن، ئەویش بۆ پاراستنی سوننە داخڵ دەبێت. رێگرتنی هاوپەیمانان و سەرۆك بارزانی و حكومەتی عەببادی لەو میلیشیانە، وایكرد هێزەكانی توركیاش لە سەربازگەی باشیك نەجوڵێن و تەنیا چاودێری رەوشەكە بكەن
بە كورتی، مەترسی دوای موسڵ، مەترسی ململانێی جەمسەربەندیی ئیقلیمیی شیعە و سوننەیە، كورد ئەگەر سەربەخۆیی بڕیاری خۆی بپارێزێ و نەبێتە بەشێك لە فراوانخوازیی شیعە و دەورێكیشی هەبێت لەوەی سووننە توشی تۆڵەلێكردنەوە و قەتل وعام نەكرێن، دەتوانێ لە خراپترین ئەگەردا زیان لە كوردستان دوورخاتەوە.
ئەگەر ئێران سەركێشی نەكات و جیهانی سوننە نەوروژێنێ و ئایندەی موسڵ، بۆ تەفاهوماتی نێوان هەولێر و بەغدای عەببادی بەجێبێڵێ و لە رێی مالكی و ئەكرادی مالكی و پەكەكەوە، گێچەڵ بە لیكگەیشتنی نێوان هەولێر و بەغدا نەكات. ئایندەی موسڵ ئایندەیەكی رەش و ترسناك نابێت.
