نوچەنێت-رۆیتەرز
سوپای تورکیا ئەمڕۆ دووشەممە 17ی ئۆکتۆبەر رایگەیاند، کە نزیک بە 1500 سەربازی ئەم وڵاتە بەشداری لە ئۆپەراسیۆنی گرتنەوەی شاری موسڵ دەکەن وئەم هێزەش لە بنکەی سەربازی بەعشیقە مەشق و راهێنانیان پێکراوە.
بە گوێرەی ئاژانسی رۆیتەرز، سەرچاوەکانی سوپای تورکیا رایانگەیاندووە، کە لەۆی 3 هەزار سەربازی تورکیا کە لە بنکەی سەربازی بەعشیقە جێگیر کراون و مەشق و راهێنانی سەربازییان پێکراوە، 1500 کەسیان بەشداری لە ئۆپەراسیۆنی موسڵ دەکەن و نیوەی دیکەی هێزەکە وەک هێزی پشتیوان لە ئامادەباشیدا دەمێننەوە.
سەرچاوەیەکی ئاگادار لە سوپای تورکیا بە رۆیتەرزی گوتووە، ئەم هێزانە لە شیعەکان، ئێزیدیەکان، مەسیحی و تورکمانەکان پێکدێن. سەرچاوەکە ئەوەش دەخاتەڕوو لە ئێستادا سوپای تورکیا بەشداری ئۆپەراسیۆنەکە نییە، بەڵام گۆڕانکاری و رووداوەکانی ئەم شەرە بە وردی دەخاتە ژێر چاودیری و کۆنتڕۆڵەوە.
تورکیا و عێراق سەبارەت بە جێگیربوونی هێزەکانی سوپای تورکیا، بەشداری کردنی لە ئۆپەراسیۆنی موسڵ جیاوازی و ناکۆکییان هەیە.
