نوچه‌نێت
بڕیارە ئەمڕۆ هه‌ینی حەیدەر عەبادی، سەرۆکوەزیرانی عێراق سەردانی پارێزگای کەرکووک بکات و لەگەڵ بەرپرسانی ئەو پارێزگایە کۆببێتەوە.
رێبوار تاڵەبانی، سەرۆکی ئەنجوومەنی پارێزگای کەرکووک بە وەکالەت بە رووداوی راگەیاند: بڕیارە ئەمڕۆ هەینی 14-10-2016 حەیدەر عەبادی، سەرۆکوەزیرانی عێراق سەردانی پاریزگای کەرکووک بکات و لەگەڵ پارێزگار و پێکهاتەکانی کەرکووک کۆببێتەوە.
سەرۆکی ئەنجوومەنی پارێزگای کەرکووک ده‌ڵێت “سەردانەکەی عەبادی زیاتر پەیوەستە بەشەڕی دژی چەکدارانی داعش و ئۆپەراسیۆنی کۆنترۆڵکردنەوەی حەویجە”.
به‌گوێره‌ی زانیاریه‌كان، بڕیارە پارێزگاری كەركووك و بەرپرسانی دیكەی شارەكە پێشوازی لە عەبادی بكەن و گلەییەكانی كەركووكیش بە سەرۆکوەزیرانی عێراق بگەیەنن. هه‌روه‌ها باس له گه‌تنه‌وه‌ی حه‌ویجه‌ش ده‌كرێت.
