نوچەنێت
سەرلەبەیانی ئەمڕۆ شەممە ٨ی ئۆکتۆبەر، دوو کەس لە ناوچەیەکی نزیک لە ئەنقەرەی پایتەختی تورکیا خۆیان تەقاندەوەتەوە.
لەماوەی ساڵێکدا تورکیا لە هەردوو شاری ئیستەنبول و ئەنقەرە زۆرترین تەقینەوەی بەخۆیەوە بینی و تەقینەوەکان شارە کوردییەکانیش روویانداوە.
ئاژانسی هەواڵی ئەنادۆڵی تورکی بڵاویکردەوە، دوو خۆکوژەکە بە نیازبوون بە ئۆتۆمبیلی بۆمبڕێژکراوەوە هێرشبکەن، بەڵام پاش ئەوەی پۆلیس ڕێگریکردووە و داوایکردووە خۆیان رادەستبکەن خۆیان تەقاندووەتەوە.
ئیرجان ستوبی پارێزگاری ئەنقەرە، کە سەردانی شوێنی تەقینەوەکەی کردووە ڕایگەیاند، خۆکوژەکان ژنێک و پیاوێکبوون و ناسنامەی ژنەکە ئاشکرابووە.
تەقینەوەکان بە دووری ٧٠ کیلۆمەتر لە شاری ئەنقەرەوە روویانداوە، پۆلیس دەڵێت تەرمی دوو خۆکوژەکەیان لەبەر دەستدایە.
تا ئێستا زەرەر و زیانەکان نازاندرێت و هیچ لایەنێک بەرپرسیارێتی خۆی لە هێرشەکان رانەگەیاندووە.
پۆلیس لە شوێنی رووداوەکەیە و تیمەکانی فریاکەوتن بریندارەکانیان گواستووەتەوە.
