نوچەنێت: تایبەت
ئەندامێكی ئەنجوومەنی پارێزگای نەینەوا رایدەگەیەنێت: ئەمڕۆ كۆنفراسێك لە بارەی موسڵەوە ئەنجام دەدەین و زۆربەی پێكهاتەكانیش تێیدا بەشدار دەبن.
لەگەڵ نزیک بوونەوەی ئازادکردنی موسڵ، لایەنە سیاسی و پێكهاتەكان بۆچوونی جیاوازیان هەیە لەبارەی چۆنیەتی ئازاد كردنی شارەکە و ئیدارەدانی، کە لە هەمانکاتدا پێویستی بە پشتگیری لایەنەكان پێکهاتەکان هەیە بۆ ئیدارەدانی موسڵ دوای شەڕی داعش.
لە لێدوانێكی تایبەت بە نوچەنێت هاشم بریفكانی ئەندامی ئەنجومەنی پارێزگای نەینەوا لە بارەی كۆنفراسەكەی ئەمڕۆی لایەنەكان رایگەیاند: ئەمڕۆ وەكو حكومەتی خۆجێی پارێزگای نەینەوا، كاتژمێر 10ـی پێشنیوەڕۆ لە هۆلی سەعدعەبدوڵڵا شاری هەولێردا كۆنفراسێك ئەنجام دەدەین، هەموو لایەنە سیاسییەكان و گشت پێكهاتەهاتەكان بە مەزهەبە جیاوازەكان و پەرلەمانتارانی نەینەوا و چالاكوانان و رۆشنبیرانی شاری موسڵ بەشدار دەبن.
هاشم بریفكانی دەڵێت “مەبەست لە بەستنی ئەم كۆنفراسە پشگیری كردنی شەڕی موسڵە و ئیدارە كردنی شارەکە دوای ئازاد كردنی، چونكە ئێستا هاووڵاتیانی شاری موسڵ لە بن دەستی داعش دەنالێنن، بۆیە دوا دەكەین هەرچی زووە هەموو لایەنەكان كۆك بن بۆ رزگار كردنی موسڵ.
