ئەمریکا: بەم زوانە پرسی گولەن یەکلا دەکەینەوە

نوچە-قطرە
ئەمریکا بە تورکیای راگەیاندووە، کە بەم زوانە سەبارەت بە پرسی رادەستکردنەوەی فەتحوڵڵا گولەن، بڕیاری کۆتایی دەردەکات و ئەم پرسە یەکلا دەکاتەوە.
بە گوێرەی ئاژانسی رۆیتەرز، بەکر بۆزداغ وەزیری دادی تورکیا ئاشکرای کردووە، ئەمریکا بەم زووانە پرسی گولەن یەک لادەکاتەوە. ئەوەش دەخاتە روو، کە ئەم پەیامەی لە لایەن وەزیری دادی ئەمریکاوە پی راگەیێندراوە.
جێی ئاماژەیە، تورکیا گولەن بە هۆکاری سەرەکی کودەتا شکست خواردووەکەی ١٥ی تەموزی ئەم وڵاتە دەناسێنێ و داوای لە ئەمریکا کردووە، نابراو رادەست بکاتەوە، کە لە ئێستادا نیشتەجێی ئەمریکایە.