نوچە-فارس
وەزیری بەرگری بەریتانیا، لە سلۆڤاکی لە میانەی چاوپێکەوتن و دیداری لە گەڵ وەزیرانی دەرەوەی وڵاتانی یەکیتی ئەوروپا رایگەیاندووە، سەرباری جیابوونەوەی وڵاتەکەی لەم یەکێتییە، رۆڵێکی چالاک لە روبەورووبوونەوەی هەڕەشە و هێرشەکانی سەر ئەوروپا دەگێڕێت.
مایکڵ فالۆن، وەزیری دەرەوەی بەریتانیا لە کۆبوونەوەی وەزیرانی بەرگری وڵاتانی ئەندام لە یەکێتی ئەورپا لە سلۆڤاکی، دڵنیایی دەدات کە بەریتانیا بۆ بەرەنگاربوونەوەی تیرۆریزم رۆڵی چالاکانە دەگێڕێ و لەم بارەوە هاوکار وپشتیوانی یەکێتی ئەوروپایە.
وەزارەتی بەرگری بەریتانیا لە بەیاننامەیەکدا، کە لە سەر پێگەی فەرمی دەوڵەتی ئەم وڵاتە بڵاو بۆتەوە دەڵێت: لە میانەی دیدار و چاوپێکەوتنەکانی فاڵۆن و وەزیرانی بەرگری یەکێتی ئەوروپا، کە ئەمڕۆ سێ شەممە بەرێوەچوو، سەبارەت بە هاوکار و بەرەنگاربوونەوەی ئەم وڵاتانە بە تایبەت لە بارەی قەیرانی پەنابەری و کۆچبەری و هێرشە سایبەریەکان باس و گفتوگۆ کراوە.
مایکڵ فاڵۆن لەم بارەوە رایگەیاندووە: ئێمە یەکێتی ئەوروپا بە جێ دەهێڵین نەک خودی ئەوروپا. لە بەرژەوەندی نەتەوەیی خۆماندایە کە ئەمن و ئاسایشی خۆمان بپارێزین.
فاڵۆن هەروەها خوازیاری هاوکاری زیاتری نیوان یەکێتی ئەروپا و ناتۆیە و جەختی کردۆتەوە، کە دەبێ بە هەموو لایەکەوە هەوڵەکانیان بۆ بەرەنگاربوونەوەی هێڕشە سایبەری و چەند رەهەندی چڕتر بکەنەوە.
