نوچە-افکار
پاپای فڕانسیس، رابەری کاتولیکەکانی جیهان سەردانی ژمارەیەک لە و ژنانەی کرد، کە بوونەتە قوربانی دەستدرێژی سێکسی.
ڤاتیکان لە راگەیێندراوێکی چاوەڕواننەکراودا رایگەیاندووە: پاپای فڕانسیس رۆژی هەینی بە مەبەستی سەردان کردن، لە ناوەندێکی خێرخوازی کاتولیک، ڤاتیکانی بەجێ هێشتووە. ئەم ناوەندەش تایبەتە بەو ژنانەی کە بوونەتە قوربانی دەستدرێژی سێکسی و لە کۆیلایەتی سێکسی رزگاریان بووە.
راگەیێندراوەکەی ڤاتیکان دەشڵێت: پاپای فڕانسیس سەردانی ناوەندی خێرخوازی جیوفانی لە شاری رۆم کردووە.
لە راگەیێندراوەکەی فایکان جەخت لەوە کراوەتەوە، کە ئەم سەردانەی پاپ بە مانای بانگهێشت کردنەوە ی دووبارەی سروشتی مرۆڤایەتیە بۆ بەرەنگاربوونەوەی دیاردەی بازرگانی کردنی مرۆڤ، کە پاپای ڤاتیکان لە بۆنە جیاوازەکاندا وەک تاوانی دژی مرۆڤایەتی وەسفی کردووە.
ئەم ژنانە کە بوونەتە قوربانی نێونجی تەمەنیان ٣٠ ساڵە و لە ماوەیە، کە ناچار بە لەشفرۆشی زۆرەملی کراون، لە روووی جەستەییەوە بە توندی ئازار دراون و ئێستاش لە ژێر چاودێری ڤاتیکاندان.
پێشتر بەم ژنانە بەڵێن دراوە، کە دوای گەیشتنیان بە ئیتاڵیا کاریان بۆ دەدۆزنەوە، بەڵام دواجار ناچار کراون کە لەشفرۆشی بکەن.
