نوچە-قطرە
ماڵپەڕی السومریە نیوز ی عێراق، لە راپۆرتێکدا و بە پێی لێدوانێکی جەنەڕاڵ کریستۆفەر گارڤێر، گوتەبێژی هاوپەیمانێتی نێودەوڵەتی دژی داعش کە ئەمریکا سەرکردایەتی دەکات. دوانیوەڕۆی ئەمڕۆ یەکشەممە،٢٤ی تەمووز دەڵێت: بە پێی بەراوردەکان ژمارەی چەکدارانی سەر بە رێکخراوی داعش لە شاری موسڵ ٥ بۆ ١٠ هەزار کەسە.
بە گوێرەی ئەم راپۆرتە، گوتەبێژی هاوپەیمانێتی نێودەوڵەتی دژ بە داعش هەروەها رایگەیاندووە، کە ژمارەی هێزەکانی ئەندام لەم هاوپەیمانێتیە کە لەبەرەکانی شەڕی داعشدان،٧ هەزار کەسە و جەختیشی لەوە کردۆتەوە، کە جیاوازی و ناکۆکییەکان نیوان دەوڵەتی مەرکەزی عێراق و حکومەتی هەرێمی کوردستان، لە پەیوەندی لە گەڵ ناوچە ئازادکراوەکان رەهەند و لایەنی سیاسی هەیە.
