نوچە-دەنگی ئەمریکا
ڤێلادیمیر پوتین، سەرۆککۆماری روسیا لە پەیامێکی پیرۆزبایی، کە بە بۆنەی ساڵڕۆژی سەربەخۆیی ئەمریکا ئاراستەی باراک ئۆبامای کردووە هیواداری دەربڕیوە، کە پەیوەندییەکانی نیوان دوو وڵات بەرە و باشتربوون بڕوات.
پوتین لەم پەیامەیدا، کە لە لایەن کرملینەوە بڵاو بۆتەوە، ئاماژەی بە مێژووی پەیوەندییەکانی ئەمریکا وروسیا داوەو وگوتویەتی: سەردەمانێک ئەم دوو وڵاتە لە توانایاندا هەبوو، دژوارترین کێشەکانی کۆمەڵگای نێودەوڵەتی لە قازانجی دوو وڵات و تێکڕای کۆمەڵگای نێودەوڵەتی چارەسەر بکەن.
پەیوەندییەکانی مۆسکۆ واشنتۆن لە ساڵی ٢٠١٤ دوای ئەوەی، کە روسیا نیمچە دوورگەی کریمەی ئۆکراینیای لکاند بە خاکی خۆیەوە و پشتگیری لە پاررچەپارچەکردنی رۆژهەڵاتی ئەم وڵاتە کرد، گەیشتە نزمترین ئاستی خۆی لە دوای شەڕی ساردەوە.
