نوچە-شفقنا
رێکخراوی لێبوردنی نێودەوڵەتی، ٥ گروپی بەرهەڵستکاری سوری بە ئەنجام دانی تاوانی جەنگی تۆمەتبار دەکات.
بە پێی راپۆرتێکی ئەلجەزیرە، ئەمنێستی ئینتەرنەشناڵ ئەم ٥ گروپەی بەوە تۆمەتبار کردووە، کە لە پارێزگای ئەدلەب و بەشێک لە ناوچەکانی پارێزگای حەلەب دەسیان داوەتە مرۆڤ رفاندن، کوشتار، ئەشکەنجە و دروستکردنی بەندیخانەی نهێنی.
ئەم ٥ گروپە بریتین لەبەرەی نوسرە، احرارالشام، نورالدین زینکی، بەرەی شام و بریگادی ١٦ کە لە لایەن ئەمنێستیەوە، بە ئەنجامدانی تاوانی جەنگی و تاوان لە دژی مرۆڤایەتی تۆمەتبار کراون.
فیلیپ لوتێر، بەڕێوەبەری بەشی رۆژهەڵاتی ناوەڕاستی ئەمنێستی رایگەیاندووە، کە بەشێکی زۆر لە خەڵکی مەدەنی سوریا لە ترسی ئەندامانی ئەم گروپانە هەست بە ئەمن و ئاسایش ناکەن، چونکە دەبێ رێوشوین و یاسای ئایینیەکانی ئەم گروپانە رەچاو بکەن.
