نوچە-تی نیوز
رێکخراوی داکۆکیکاری مافەکانی مرۆڤ لە جەزائیر دەڵێت: ژمارەی قوربانیانی سەردەمی داگیرکاری فەرەنسا دەگاتە ١٠ ملیۆن کەس.
بە گوێرەی”الرای لیوم”لە راگەیێندراوی ئەم رێکخراوەدا هاتووە:هەر چی کات تێپەڕ بێت جەزایەر ناتوانیت تاوانەکانی فەرەنسا لە بیر بکات، روداوێک کە لە مێژوودا وێنەی نییە.رووداوێک کە تیایدا و دوای هاتنی فەرەنسا بۆ سەر خاکی جەزایەر لە ١٨٣٠ زیاتر لە ١٠ ملیۆن کەس لە خەلکی ئەم وڵاتە بوونە قوربانی و لەناوچوون.
راگەیێندراوەکە جەخت لەوە دەکاتەوە، کە بەرپرسانی جەزائیری خوازیاری دانانی یاسایێکن کە داگیرکاری جەزائیر لە لایەن فەرەنساوە بە تاوان هەژمار بکات.هەروەها داوا کراوە کە فەرەنسا، بە فەرمی داوای لیبوردن بکات و دان بە تاوانەکانیدا بنێ و خەسارەکانی ئەم رووداوە بۆ کەسوکاری قوربانیان قەرەبوو بکاتەوە.
بە گوتەی ئەم رێکخراوە، تاوانەکانی فەرەنسا و بڕینی سەری قوربانیان لە تاوانەکانی داعش دەچێت.
