نوچە-ئیسنا
وەزیری دەرەوەی سعودیە جەخت لەوە دەکاتەوە، کە قەیرانی سوریا بێگومان بە نەمانی بەشار ئەسەد چآرەسەر دەکرێن و دەڵێت، ناکۆکییەکانی سعودیە و ئەمریکا سەبارەت بە قەیرانی سوریا بەرچاو نییە.
بە گوێرە کەناڵی ئەلجەزیرە،عادل جەبیر وەزیری دەرەوەی سعودیە دوای دیداری لە گەڵ جۆن کێری، وەزیری دەرەوەی ئەمریکا لە واشنتۆن دەڵێت:ئێمە بۆ گوشار خستنە سەر بەشار ئەسەد بەمەبەستی ناچارکردنی بۆ ویستی کۆمەگای جیهانی لەوانە ئاگربەست و گەیاندنی یارمەتی مرۆڤدۆستانە و دەستپێکردنەوەی رەوتی وتووێژەکانی ئاشتی هەوڵی تەواوی خۆمان دەدەین.
جەبیر جەخت لەوە دەکاتەوە، کە کۆتایی قەیرانی سوریا بەستراوەتەوە بە چوونی بەشار ئەسەدی سەرۆککۆماری سوریا.
جەبیر سەبارەت بە جیاوازی و ناکۆکیەکانی نیوان سعودیە وئەمریکا، لە پەیوەندی لە گەڵ قەیرانی سوریا دەڵێت:ناکۆکیەکانمان بەرچاو نین و ئەم دوو وڵاتە پشتگیری رێکاری ئاشتیانە دەکەین بۆ چارەسەرکردنی قەیرانی سوریا و هەروەها لادانی ئەسەد لە دەسەڵات.
وەزیری دەرەوەی ئێران ئێران بەوە تۆمەتبار دەکات، کە ئێران ئەمن و سەقامگیری ناوچەکەی تێکداوە و دەڵێت:ئێران وڵاتێکە کە بە ئاراستەی هەناردەکردنی شۆڕشەکەی هەوڵ دەدات، دەستوەردان لە کاروباری ناوخۆیی وڵاتان بکات و بۆ ئەم مەبەستەش پاڵپشتی تیرۆریزم دەکات.
