نوچە-مهر
سەرۆککۆماری روسیا لە پەیامێکدا، بە بۆنەی رووداوەکەی ئۆرلاندۆ سەرەخۆشی لە سەرۆککۆماری ئەمریکا و خەڵکی ئەو وڵاتە دەکات.
بە گوێرەی ئیتار تاس، ڤێلادیمیر پوتین، سەرۆککۆماری روسیا بەرامبەر بە کوژرانی ژمارەیەک لە هاووڵاتیانی ئەمریکایی بە هۆی رووداوە تیرۆریستیەکەی ئۆرلاندۆ داخ و کەسەر و سەرەخۆشی خۆی دەردەبرێ.
لە راگەیێندراوێکی کۆشکی کرملین، کە بەم بۆنەوە بڵاو بۆتەوە هاتووە، سەرۆکی دەولەتی روسیا لە پەیامێکدا جەخت لەوە دەکاتەوە، کە لە خەم و پەژارەی کەس و کاری قوربانیانی ئەم تاوانە دڕندانەیە خۆی بە هاوخەم دەزانێ و هیواداری چاکبوونەوەش بۆ بریندارەکان دەخوازێ.
جێی ئاماژەیە کە بە هۆی رووداوە تیرۆریستیەکەی رۆژی یەکشەممە، لە یانەی شەوانەی هاورەگەزبازەکان لە ئۆرلاندۆ لانی کەم ٥٠ کەس کوژران و ٥٣ کەسی دیکەش بریندار بوون.
