نوچە-باشگاه خبرنگاران
رێکخراوی لێبوردنی نیودەوڵەتی، دەربارەی دووبەرابەربوونی رێژەی ئاوارەکانی شەڕ لە ئەفغانستان نیگەرانی خۆی دەربڕیوە.
ئەمنێستی ئینتەرنەشناڵ لە نوێترین راپۆرتی خۆی، سەبارەت بە دۆخی ئاوارەکانی شەڕی ئەفغانستان دەڵێت:رێژەی ئاوارەکانی شەڕ و کێشە ئابورییەکانی ئەم وڵاتە، لە ساڵی ٢٠١٣ ٥٠٠هەزار کەس بوو، بەڵام ئەم رێژەیە لە ئێستادا گەیشتۆتە یەک ملیۆن و دووسەد هەزار کەس.
لە سەرەتای ساڵی ٢٠١٦وە تاکوو ئێستا زیاتر لە سەد هەزار کەس لە خەڵکی ئەفغانستان، بە هۆی شەڕ و کیشەئابوریەکان شوێنی ژیانی خۆیان بەجێ هێشتووە.
ئاوارەکانی شەڕی ناوخۆیی لە ئەفغانستان، لە دۆخێکی نالەباردان و لە رووی خزمەتگوزاری تەندروستی و فێرکردن، هەروەها ئاو و خۆراک لە گەڵ کێشە و قەیران روبەروون.
