نوچەنێت-رادیۆ فەردا
محەمەمد عەلوەش، سەرۆکی شاندی باڵای دانوستانکاری سوریا کە لە دژبەرانی حکومەتی ئەسەد پێکهاتووە، وێڕای رەخنەگرتن لە ناسەرکەوتوو بوونی وتووێژەکانی جنێف و ئاماژەدان بە کەم تەرخەمی کۆمەڵگای جیهانی، سەبارەت بە دەرد و ئازارەکانی خەڵکی سوریا دەڵێت، لە دۆخەکە بێ هیوا بووە و دەست لە پۆستەکەی هەڵدەگرێت.
عەلوەش، ئەمرۆ دووشەممە 30 مەی، لە بەیاننامەیەکدا لە هەژماری تویتەرەکەی دەڵێت، بە هۆی بێباکی حکومەتی بەشار ئەسەد و بەردەوامبوونی توندوتیژی و بۆمبارانەکان لە دژی خەڵکی سوریا، سێ خولی وتووێژەکانی ئاشتی سوریا ناسەرکەوتوو بووە.
عەلوەش، هەروەها رەخنە لە کۆمەڵگای جیهانی دەگرێ و دەڵێت، کۆمەڵگای جیهانی بۆ کەمکردنەوەی ئازارەکانی خەڵکی سوریا هەوڵی تەواو نادات و جێبەجێکردنی بڕیارنامەکان، بە تایبەتی لە بابەتی یارمەتیگەیاندن و فریاکەوتن و کۆتایی هێنان بە گەمارۆکان ناسەرکەوتووە بووە.
سەرۆکی شاندی باڵای دانوستانکاری سوریا دەڵێت، وتووێژی بێ کۆتایی بۆ خەڵکی سوریا جێی مەترسییە و هەر بۆیە دەست لە پۆستەکەم هەڵدەگرم.
عەلوەش ئەندامی گروپی “جیش الاسلام”ە.
