نوچەنێت
خۆپیشاندەران لەژێر فشاری هێزە ئەمنییەكان بەرە بەرە ناوچەی سەوزی بەغدا چۆڵ دەكەن و بەرەو ناوچەكانی عەلاوی و گۆڕەپانی تەحریر پاشەكشە دەكەن.
سەعید مەعن، فەرماندەی ئۆپەراسیۆنە هاوبەشەكانی بەغدا رایگەیاند، دۆخەكە كۆنترۆڵكراوە و پاشەكشە بە خۆپیشاندەران كراوە. راشیگەیاند ئەوەی روویداوە كارێكی گێرەشێوێنی بووە.
هاوكات سەرچاوەیەك لە وەزارەتی تەندروستی عێراق رایگەیاند، نەخۆشخانەكان 39 برینداریان وەرگرتوون، بەپێی زانیاری سەرچاوەکان 2 خۆپیشاندەر و رۆژنامەنووسێك كوژراون، نزیكەی 50 برینداریش گەیێندراونەتە نەخۆشخانەكان و ژمارەكەش لە بەرزبوونەوەدایە.
پاشنیوەڕۆی هەینی 20-5-2016، خۆپیشاندان لە بەغدا دەستیپێكردەوە، هەزاران خۆپیشاندەر لە مەیدانی تەحیر بەڕێكەوتن و دەرگای ناوچەی سەوز و پردی كۆماریان شكاند، پاشان شەڕ و ئاڵۆزی و دروستبوو.
دەستڕێژی گوللە و هێرشكردنە سەریان پێشی بە خۆپیشاندەران نەگرت و دواجار بەشێكیان دەروازەكانیان شكاندن و گەیشتنە نێو نووسینگەی حەیدەر عەبادی سەركوەزیران و نێو باڵەخانەی ئەنجوومەنی وەزیران.
بەهۆی بەردەوامبوونی گرژی و ئاڵۆزییەكان و هێرشی خۆپیشاندەران بۆ سەر ناوچەی سەوز، باری نائاسایی لە بەغدا راگەیێندراو هاتووچۆكردن تا كاتێكی نادیار قەدەخەكرا، هەروەها سەرجەم دەروازەكانی بەغدا داخران.
