نرخی نەوت گەیشتە سنوری 50 دۆلار

نوچەنێت
ئەمڕۆ سێشەممە 17-5-2016،  نرخى نەوت بەرز بووەوە و بەرمیلێک نەوتى برێنت بە 49 دۆلار و 45 سەنت لە بازاڕەکانى جیهاندا مامەڵەى پێوەکرا.
هەرچى نەوتى خاوى ئەمریکییە بە 48 دۆلار و 41 سەنت مامەڵەى پێوەکرا.
لە ناوەڕاستی ساڵی 2014وە نرخی نەوت لە بازاڕەکانی جیهان ڕووی لە دابەزین کردووە و لەسەرەتای ئەمساڵیشدا نرخی بەرمیلێک نەوت بۆ 27 دۆلار دابەزی کە ئەوەش نزمترین ئاستی بوو لەماوەی 12 ساڵی ڕابردوودا، لە سەرەتای مانگی رابردووشدا نرخی نەوت رووی لە بەرزبوونەوە کردووە.