نوچەنێت
هێرشی حەشدی نیشتمانی بۆ سەر گوندێکی میحوەری باشیک دەستپێکردووە بەڵام پێشمەرگە بەشداریی هێرشەکەی نەکردووە.
حەمید ئەفەندی، بەرپرسی میحوەری باشیک بە (رووداو)ی راگەیاندووە: لە دوای کاژێر 5:00-ی بەرەبەیانی رۆژی شەممە 14-5-2016 هێزێکی حەشدی نیشتمانی بە پاڵپشتی فڕۆکەکانی هاوپەیمانان هێرشیان بۆ سەر گوندی کانونە لە میحوەری باشیک دەستپێکردووە.
بەرپرسی میحوەری باشیک گوتوویەتی: هێزەکە گەیشتوونەتە دەورووبەری گوندەکە، بەڵام تاوەکو ئێستا نەچوونەتە ناوی و کۆنترۆڵیان نەکردووە و شەڕ و پێکدادان بەردەوامە.
ئەو فەرماندەیە ئاشکرای کردووە: کە پێشمەرگە بەشداریی هێرشەکە ناکات، بەڵام لە ئامادەباشی تەواوداین، بۆ رووبەڕووبوونەوەی هەر ئەگەرێک.
