نوچە-رادیۆ فەردا
عەلی خامەنەیی، رابەری کۆماری ئیسلامی ئێران، وێڕای رەخنە لە هاوپەیمانێتی نێودەوڵەتی دژ بە داعش بە سەرکردایەتی ئەمریکا، وڵاتانی رۆژئاوایی بە پشتیوانی داعش ناو دەبات.
عەلی خامەنەی ئەمڕۆ پێنجشەممە ٥-٥لە وتارێکدا بە بۆنەی جەژنی مەبعەس گوتویەتی: وڵاتانی رۆژئاوایی بە رواڵەت هاوپەیمانییەکیان لە دژی داعش پێکهێناوە، لە کاتێکدا ئەم وڵاتانە پشتیوانی دەوڵەتی ئیسلامی داعشن.
لە ناوەڕاستی ٢٠١٤ بە مەبەستی بەرەنگاربوونەوەی داعش لە سوریا و عێراق، هاوپەیمانێتی نێودەوڵەتی دژ بە داعش پێکهاتوو لە ژمارەیەکی بەرچاو لە وڵاتانی جیهان بە سەرکردایەتی ئەمریکا پێکهات.
رابەری کۆماری ئیسلامی ئێران هەروەها دەڵێت: سیاسەتی فەرمی ئەمریکا لە دژی ئیسلام و ئێران و شیعەیە.
