نوچەنێت-رادیۆ فەردا
کۆمیستۆنی ئەمریکا بۆ کاروباری ئازادی ئایینەکان لە جیهاندا، لە راپۆرتی ساڵانەی خۆی دەڵێت دۆخی ئازادیی ئایینی لە ئێران لە خراپتربووندایە.
کۆمیسیۆن پێشنیاری کردووە بە دەوڵەتی ئەمریکا، لە ناساندن و گەمارۆ خستنە سەر پێشێلکەرانی مافی کەمینەکان و ئازادیی ئایین لە ئێران بەردەوام بێت.
ئەم کۆمیسیۆنی راوێژکاریە، کە لە لایەن کۆنگرێسی ئەمریکاوە پێکهاتووە و دامەزراوەیەکی سەربەخۆ و ناحزبی هەژمار دەکرێ دەڵێت: حکومەتی ئێران بە شێوەیەکی ئامانجدار، ئاشکرا بەرەدوامە لە پێشێلکردنی ئازادیی ئایینی لە ئێران، کە نمونەکەی “زیندانی درێژماوە، ئەشکەنجە و لە سێدارەدانە”.
بە گوێرەی راپۆرتی ساڵانەی ئەم کۆمیسیۆنە، لە کاتی هاتنە سەر دەسەڵاتی حسەن روحانییەوە، دۆخی ئازادیی ئایینەکان لە ئێران خراپتر بووە و سەرۆککۆماری ئێران پشتی لە هەموو ئەو قەول و بەڵێنانە کردووە، کە لە کاتی بانگەشەی هەڵبژاردنەکان و لە پەیوەندی لە گەل کەمینە ئایینی و نەتەوەییەکان دابووی.
ئێران تەنها ئایینەکانی مەسیحی، زەردەشتی و یەهوودی بە فەرمی دەناسێت. ئایینەکانی وەک بەهاییەت بە فەرمی ناناسێ و بەرپرسانی ئێرانی وەک فیرقەی “ضالە” وەسفیان دەکات.
