نوچەنێت
خۆپیشاندان و شەڕ و ئاڵۆزی لە بەغدا بەردەوامە، ئەمڕۆ یەکشەممە 1-5-2016، ئەو خۆپیشاندەرانەی رێگرییان لێدەكرا بچنە ناوچەی سەوز، دووبارە دەرگای ناوچەكەیان شكاند و خۆیان گەیاندە گۆڕەپانی بۆنەكان.
لە بەیانی ئەمڕۆوە لە ناوچەی سەوز، شەڕ و ئاڵۆزی لەنێوان خۆپیشاندەران و هێزە ئەمنییەكان دروستبووە، هێزێكی دژەتیرۆر و هێزێكی مغاویری تایبەت سنووریان بۆ خۆپیشاندەران داناوە، هەر كەسێك لە باڵەخانەی پەرلەمان و ئەنجوومەنی وەزیران نزیكبێتەوە رووبەڕووی زەبروزەنگ و گازی فرمێسكڕێژ دەبێتەوە، بەپێی زانیارییەكانی رووداو لە شەڕەكەدا بریندار هەیە و تەنیا لەنێو هێزە ئەمنییەكان دوو كارمەند بریندارن.
لەکاتێکدا دوێنێ 30-4-2016 بەشێک لە خۆپیشاندەران لە بەغدا، دوای گوتاری موقتەدا سەدر چوونە نێو ناوچەی سەوز و لەوێ مانەوە دەرگاکانی ناوچەکە داخران، شەوی رابردووش خۆپیشاندەران لە گۆڕەپانی بۆنەكان رۆژیان كردەوە. هەروەها رێگە بە دەزگاكانی راگەیاندن نادات رووماڵی رووداوەكان بكەن.
