نوچەنێت-تسنیم
هەفتەنامەیەکی ئەڵمانی ئاشکرای دەکات بە پێی هەندێک بەڵگە ژمارەیەک لە شوفێرانی تایبەتیی نوێنەرانی پەرلەمانی ئەوروپا لایەنگری داعشن و دوو کەس لەم شوفێرانە تا ئێستا لە سەرکارەکانیان دەرکراون.
بە پێی راپۆرتی هەفتەنامەی شپیگڵ، پەرلەمانی ئەوروپا دوای ئەوەی کە لە مەسەلەی هاتووچۆ و گواستنەوەی نوێنەران هەستی بە کەلێنی ئەمنی کردووە، بڕیار داوە کە دامەزراندنی هێزی کار بۆ بەشی گواستنەوە لە دەستی کەرتی تایبەت دەربێنێت و بۆ خۆی راستەوخۆ بەرپرسایەتی ئەم کارە لە ئەستۆ بگرێت.
بە پێی زانیارییەکان ژمارەیک لەو شۆفێرانەی کە کاروباری گواستنەوە و هاتووچۆی نوێنەرانی پەرلەمانی ئەوروپا رادەپەڕێنن لایەنگری گروپی داعشن، کە تا ئێستا دوو کەسیان لە سەر کار دەرکراون.
بە گوێرەی راپۆرتی شپیگڵ، ئەم دوو شۆفێرە سی دی بانگەشە و بروشۆری داعشیان لێ ئاشکرا بووە. شپیگڵ بە پشت بەستن بە چەندین کەسی جێی بڕوا، ئەم زانیارییانەی خستۆتەڕوو.
پەرلەمانی ئەوروپا تا ئێستا بەرامبەر بەم راپۆرتە هیچ کاردانەوەیەکی نەبووە.
