نوچەنێت
کۆبوونەوەی پەرلەمانتارە مانگرتووەکانی پەرلەمانی عێراق، کە بڕیاربوو ئەمڕۆ شەممە 16-4-2016 بۆ گۆڕینی سەرۆکایەتی پەرلەمانی عێراق ئەنجامبدرێت، بەهۆی تەواونەبوونی رێژەی یاسایی ئەنجام نەدرا و بۆ رۆژی دووشەممە 18-4-2016 دواخرا.
بە گوێرەی زانیارییەکان”بەشێک لە پەرلەمانتارانەی واژۆیان لەسەر کۆبوونەوەی پەرلەمانتارە مانگرتووەکان کردبوو پابەند نەبوون بە واژۆکانیان و هەندێکیان پاشەکەشەیان کرد و نەچوونە کۆبوونەوەکە بۆیە کۆبوونەوەکە شکستیهێنا”.
باس لەوە دەکرێت “زیاتر لە 170 پەرلەمانتارە واژۆیان کۆکردەوە بۆ کۆبوونەوەکە، بەڵام کەمتر لە 130 پەرلەمانتار ئامادەی دانیشتنەکە بوون و کوتلەی فەزیلە پاشگەزبوونەوە لە ئەنجامدانی کۆبوونەوەکە”.
هۆکارەکەیشی بۆ ئەوە گەڕێندراوەتەوە “هەندێ لەو پەرلەمانتارانەی لە رۆژانی پێشووتر واژۆیان کردبوو، بۆیان دەرکەوتووە کە مانگرتووەکان ئاراستەی مانگرتنەکەیان گۆڕیوە”.
