نوچەنێت
سەلیم جبووری، سەرۆکی پەرلەمانی عێراق داوا لە فوئاد مەعسووم، سەرۆککۆماری عێراق دەکات بچێتە پەرلەمان و، لەنێو پەرلەمانی عێراقدا شەڕ و ئاڵۆزی دروست بووە.
بەپێی زانیارییەکان، لە پەرلەمانی عێراق، شەڕ لەنێوان پەرلەمانتارانی کورد و پەرلەمانتارانی فراکسیۆنی هاوپەیمانی دەوڵەتی یاسا کە مالیکی سەرۆکایەتی دەکات، دروستبووە.
دانیشتنی ئەمڕۆی پەرلەمانی بەهۆی پشێوییەکان، بۆ ماوەی یەک کاژێر دواخرا.
– بەپێێ هەواڵەکان، شەڕەبۆكس و شەڕ بوتڵە ئاو لەنێوان عالییە نوسەیف و چەند پەرلەمانتارێکی کورد دروستبووە. دوای ئەوە ژمارەیەك پەرلەمانتاری دیكەی فراكسیۆنی دەوڵەتی یاسا خۆیان لە شەڕەكەوە گلاندووە.
– بەشێك لە پەرلەمانتاران داوادەكەن، دەستەی سەرۆكایەتی پەرلەمان بگۆڕدرێت، بەشێكی دیكەشیان داوادەكەن متمانە لە عەبادی وەربگیرێتەوە.
ئەمڕۆ چوارشەممە 13-4-2016 لەسەر داواكاری 61 پەرلەمانتار، پەرلەمانی عێراق كۆبوونەوەیەكی نائاسایی لەبارەی پێكهێنانی كابینەی نوێی حكومەتی عێراق و، دەنگدان لەسەر كاندیدەكانی حەیدەر عەبادی ئەنجامدەدا.
