نوچەنێت
سەرۆك وەزیرانی حکومەتی عێراق، لەشوێنی حەوانەوەی خۆی لەشاری بەغدا چاوپێكەوتنێکی لەگەڵ کەناڵێکی ئەمەریکی ساز دەکات و تێیدا ئاماژە بەوە دەکات بەهۆی دابەزینی نرخی نەوتەوە نەیانتوانیوە چەكی پێویست بکڕن و هیچ لایەنێکی نێودەوڵەتیش هاوکاری نەکردوون.
حەیدەر عەبادی سەرۆك وەزیرانی عێراق، لەچاوپێکەوتنێکی ڕۆژنامەوانیدا بە کەناڵی (CNN)ـی ئەمەریکی ڕاگەیاند “ئێمە لە نرخی فرۆشتنی بەرمیلێک نەوت ١٣ دۆلارما بۆ دەمێنتەوە ، دەبێت لەگەڵ ئەوەشدا بەردەوام بین لەشەڕی دژی داعش و درێژە بە رێڕەوی ئابوری وڵات بدەین”.
عەبادی بڕی تێچووی دەرهێنانی یەك بەرمیل نەوتی لەکێڵگەکانی عێراق دیاری کرد و ڕایگەیاند “خەرجی دەرهێنانی یەک بەرمیل نەوت لە عێراق ١١ دۆلاری تێدەچێت، هەفتەی رابردوو یەک بەرمیل نەوتی فرۆشراوە بە ٢٢ دۆلار”.
