نوچە.نێت
هونەرمەند کەریم کابان سەرلەبەیانى ئەمڕۆ پێنجشەممە ١٤ کانووى دووەمى ٢٠١٦ کاتژمێر پێنج و ٢٠ خولەکى بەیانی لە نەخۆشخانە لە تەمەنی ٨٩ ساڵیدا کۆچی دوایی کرد.
هونەرمەند کەریم کابان، ناوی تەواوى “عەبدولکەریم جەلال مەحمود عەزیز کابان”، ساڵی ١٩٢٧ لە شارى سلێمانی لەدایکبووە و زیاتر لە نیو سەدەیە کاری هونەری ئەنجامداوە.
لە ساڵی ١٩٤١ یەکەمین گۆرانی وتووە و لە بەرواری ١ ی حوزەیرانی ١٩٤٥ دا یەکەم بەرهەمی خۆی بڵاوکردەوە کە بریتی بووە لە ٨ گۆرانی.
ئەو هونەرمەندە، ماوەیەک پێش ئێستا لەماڵەکەی خۆیدا بەربویەوە قاچی شکا، بەڵام هەر زوو نەشتەرگەریان بۆ کرد ، بەوەشەوە نەوەستا بەدەم نەخۆشیەوە بەردەوەم بوو لە گۆرانی وتن.
