نوچە-رادیۆ فەردا
پەیوەندیەگشتییەکانی سوپای پاسدارانی کۆماری ئیسلامی، ئەمڕۆ چوارشەممە لە راگەێندراوێکدا باس لە ئازادکرانی سەربازانی دەستبەسەرکراوی ئەمریکا دەکات، لە لایەن ئەم هێزەوە.
بە گوێرەی هەواڵدەریی ئیرنا،لە راگەێندراوەکەدا هاتووە: ئازادکردنی ئەم سەربازانەی ئەمریکا لەو رووەوە بووە، کە هاتنی بەلەمەکانیان بۆ ناو قەڵەمرەوی ئاویی ئێران بە ئەنقەست و بە پێی پلان نەبووە.
بە گوێرەی هەواڵدەری ئاسۆشیتێدپرێس، ئەشتۆن کارتەر وەزیری بەرگری ئەمریکا، وێڕای پشتڕاستکردنەوەی ئازادکردنی دە سەربازە ئەمریکیەکە، پێشوازی لەم هەنگاوەی ئێران کردووە.
ئەشتۆن کارتەر، بەدەرکردنی راکەێندراوێک وسپاس و پێزانینی خۆی بۆ جۆن کێری، وەزیری دەرەوەی ئەمریکا دەردەبڕێ سەبارەت بەو هەنگاوە دبلۆماسیانەی کە لەم بارەوە ناویەتی.
ئاسۆشیتێد پرێس ، لە راپۆرتەکەیدا ئەوەش دەخاتە روو کە جۆن کێری، لە دوای وتووێژە ئەتۆمیەکانی لە گەڵ ئێران، بەردەوام”پەیوەندی نزیک”ی خۆی لە گەڵ جەواد زەریف، وەزیری دەرەوەی ئێران پاراستووە.
