نوچە-نیوز پیشتاز
یێنس ستۆڵتێنبێری، سکرتێری گشتیی ناتۆ، ئەمرۆ چوارشەممە تاقیکردنەوەی بۆمبی هایدرۆجینی لە لایەن کۆریای باکوورەوە بە”پیشێلکردنی ئاشکرای”بڕیارنامەکانی ئەنجومەنی ئاسایش نەتەوەیەکگرتووەکان وەسف کردو دەشڵێت: ئەم تاقیکردنەوە موشەکیە دەبێتە هەڕەشە بۆ سەر ئەمن وئاسایشی جیهان و ناوچە.
بە گوێرەی ئاسۆشیتێدپرێس، ستۆڵتێنبێری بە دەرکردنی راگەیاندنێک لەم بارەوە رایگەیاندووە:لای خۆمەوە کاروکردەوەی کۆریای باکوور لە بواری تاقیکردنەوەی چەکی ئەتۆمی و بەرنامە موشەکی باڵستیک و هەڕەشەکانی ئەم وڵاتە مەحکوم دەکەم.
سکرتێری گشتیی ناتۆ، داوا لە کۆریای باکوور دەکات، پابەندی ئیلتزام و بەڵێنە نێودەوڵەتیەکان بێت و رێزیان لێ بگرێ.
کۆریای باکوور، ئەمڕۆ چوارشەممە رایگەیاند، کە بۆمبێکی هایدرۆجینی تاقیکردۆتەوە. ئەم تاقیکردنەوە وەک پێشکەوتنێکی بەرچاو لە پرۆگرامی بەرهەمهێنانی چەک ئەتۆمی لە لایەن ئەم وڵاتەوە ئەژمار دەکرێ.
