توركیا: تا مەترسی تیرۆرستی هەبێت هێزەكانمان ناكشێنینەوە

نوچەنێت
ئەحمەد داودئۆغڵو سەرۆكوەزیرانی توركیا، لەمیانەی كۆبوونەوەیەك لەگەڵ كوتلەی پەرلەمان حزبكەی رایگەیاند: تا مەترسی تیرۆر لەعیراق هەبێت، هێزەكانمان ناكشێنینەوە.
ماوەیەكە زۆرە هێزی سەربازی توركیا، لەنزیك موسڵ جێگیركراون. توركیا دەڵێت، بەشێكیان بەهۆی مەشقپێكردنی سەربازی عیراقییەوە لەوێن، بەلام حكوومەتی عیراق ئەوەی رەتكردەوەو داوای لەحكومەتی كرد بەزووترین كات هێ.ەكانیان لەناوخاكی عیراق بكشێننەوە.
دوێنێ‌23-12-2015 سەرۆكوەزیرانی توركیا لە كۆبوونەوەیەكدا لەگەڵ كوتلەی پەرلەمانی پارتی دادوگەشەپێدان گوتی، ئەنقەرە بنكەی سەربازی خۆی لەعیراق ناكشێـەوە بەڵكو هەوڵدەدات بنكەسەربازییەكانی تۆكمەتربكات. تا ئازادكردنەوەی موسڵیش لەمەشقكردن بەهێزەكانی پێشمەرگە بەردەوام دەبن.