نوچە-رادیو فردا
ماڵپەڕێکی عەرەبی، دوێنێ سێشەممە هەواڵی بەدیل گرتنی دوو چەکدار ئێرانی لە دەورووبەری شاری حەلەب، لە لایەن “گوردانی شام”بڵاوکردۆتەوە.
ماڵپەڕی’عەرەبی ٢١” بە گێڕانەوە لە گوردانی شام دەڵێت: ئەم دوو چەکدارە ئێرانییەیان لە ناوچەی خان تومار ،لە باشووری حەلەب بە دیل گرتووە.
خان تومار رۆژی یەکشەممە مەیدانی شەڕی هێزەکانی ئۆپۆزسیۆن و دەوڵەتی سوریا بووە.
سەرچاوە سەربەخۆکان هێشتا هەواڵی بەدیل گیرانی دوو چەکداری ئێرانییان پشتڕاست نەکردۆتەوە. ماڵپەڕی”واحد مرکزی”بەستراوە بە رادیۆ و تەلەفزیۆنی دەوڵەتی ئێران، هەروەها هەواڵنێریی مێهر، بەستراوە بە “سازمان تبلیغات”ی ئێران ئەم هەواڵەیان بە گیڕانەوە لە ماڵپەری”عەرەبی ٢١”بڵاو کردۆتەوە، بەڵام هەواڵەکەیان پشتڕاست یان رە تنەکردۆتەوە.
ماڵپەڕی”٢١عەرەبی” نوسیویەتی: لە ماوەی سێ هەفتەی رابردوودا بەرەی نوسرە، چەکدارێکی ئێرانیی لە باشووری حەلەب بە دیل گرتووە. کە سێ کەس لە ئەندامانی حیزبوڵای لوبنان و هاووڵاتییەکی عێراقی دەستگیر کردووە.
ئێران رایگەیاندووە: هێزی سەربازی ئەو لە سوریا بوونی نییە، بەڵام راوێژکارانی خۆی بە مەبەستی یارمەتیدان بە هێزەکانی سەر بە دەوڵەتی سوریا، رەوانەی ئەم وڵاتە کردووە.
