قارەمانێتی پێشمەرگەیەك دەنگیدایەوە

نوچەنێت
دوای ئەوەی بەبرینداری فیشەكی پێنامێنێت، داعشێك دەیەوێت سەری ببڕێت بەدەست شەڕ لەگەڵ چەكدارانی داعش دەكات تا داعشەكە دەكوژرێت.
هێمن عەلی، ئەو پێشمەرگە گەنجەیە كە لە میحوەری خازر ، تا دوافیشەك شەڕی كردووە. دواتر بەبرینداری شەڕی دەستەو یەخەی كردووە.
ئەو پێشمەرگەیە ئێستا لە نەخۆشخانەی فریاكەوتنی رۆژئاوا چار ەسەر وەردەگرێت. ملی شوێنی ئەو چەقۆیەی پێوەیە كە چەكدارێكی داعش ویستویەتی سەری ببڕێت، بەڵام هێمن بەبێ‌ چەك و بەبرینداری بەرگری كردووە، تا هاوڕێكانی بەفیشەك داعشەكەیان كوشتووە.
هێمن ئێستا هەردوو قاچی و ملی بریندارە. گوتویەتی، هەركاتێك برینەكانی سارێژبوون ئامادەیە بچێتەوە بەرەكانی شەڕی دژ بە داعش.