نوچە-رادیو فردا
باراک ئۆباما،سەرۆککۆماری ئەمریکا،رۆژی هەینی رایگەیاندووە واشنتۆن، ئێستاش خوازیاری بەجێ هێشتنی دەسەڵاتە لە لایەن ئەسەدەوە. ئۆباما هاوکات هۆشداری داوە کە بە بێ بوونی دەولەتێکی گشتگیر و ئاسایی،هیچ جۆرە ئاشتییەک لەم وڵاتە بەدی نایەت.
بە گوێرەی ئاژانسی هەواڵدەریی فەرەنسا،ئۆباما لە دوایین کۆبوونەوەی رۆژنامەوانی خۆی لە کۆشکی سپی رایگەیاندووە:لام وایە بۆ کۆتایی هێنان بە خوێنڕشتن لە سوریا، دەبێ هەموو لایەنەکان بتوانن بەرەو رەوتێکی نا تایفی و هەمە لایەنە هەنگاو بنێن. دەبێت ئەسەدیش ماڵئاوایی لە دەسەڵات بکات.
ئۆباما گوتویەتی: لای خەڵکی سوریا بەشار ئەسەد، شەرعییەتی نەماوە،هەر بۆیە بە مانەوەی لە دەسەڵات چارەسەر بۆ ئەم وڵاتە نییە.
بە گوێرەی ئاسۆشیتێدپرێس،لە دەسپتێکی شەڕی ناوخۆی سوریاوە تا ئێستا ٣٠٠ هەزار کەس کوژراون و ملیۆنان کەس ئاوارە ودەربەدەر بوونە.
دوێنی هەینی، پێنج ئەندامی هەمیشەیی ئەنجومەنی ئاسایشی نەتەوەیەکگرتووەکان، بۆ کۆتایی هێنان بە شەڕی ناوخۆ لەم وڵاتە،بڕیارنامەیێکیان پەسەند کرد.
