نوچە-دەنگی ئەمریکا
جۆن کێری وەزیری دەرەوەی ئەمریکا، رۆژی سێ شەممە سەردانی مۆسکۆ دەکات و سەبارەت بە بەرەوپێشبردنی وتووێژەکانی ئاشتی لە سوریا لە گەڵ وەزیری دەرەوەی روسیاکۆدەبێتەوە. ئەگەری ئەوە هەیە. جۆن کێری لە گەڵ سەرۆککۆماری روسیا دیدار و چاوپێکەوتن ئەنجامبدات.
ئاژانسی هەواڵنێریی فەرەنسا دەڵێت: بابەتی کۆبوونەوەی کێری و پوتین ئاماژەیەکە بۆ گرژی لە پەیوەندیەکانی ئەمریکا و روسیا. لە کاتێکدا وەزارەتی دەرەوەی ئەمریکا باسی لەم دیدارە کردووە. کۆشکی کرملین هەواڵەکەی پشتڕاست نەکردۆتەوە.
مارک تونێر، وتەبێژی وەزارەتی دەرەوەی ئەمریکا، رۆژی هەینی رایگەیاندووە: دوو لایەن سەبارەت بە هەوڵەکانی ئێستا بۆ پێکهێنانی قۆناغی ئینتقالی لە سوریا گفتوگۆ دەکەن.
دیمتری پسکۆف، وتەبێژی کۆشکی کرملین رایگەیاندووە: ڤێلادیمیر پوتین بۆ گفتوگۆ لە گەڵ کێری، چاوەڕێی ئەنجامی دیداری کێری و لاڤرۆڤ دەکات.
هەر چەندە مۆسکۆ ئەگەری وەها دیدارێکی رەد نەکردۆتەوە.
